میں کون ہوں؟ مختصراً مختصراً

عزیز دوستو

اس سے پہلے کہ میں اپنے سنہرے خیالات کا اظہار کرنا شروع کروں، اپنا تھوڑا بہت تعارف کرائے دیتا ہوں تا کہ یار لوگ دور دور کی کوڑیاں نہ لائیں اور اپنے قیمتی اذہان پر زور دینے سے بچے رہیں۔

نام: شاہ فیصل

پیدائش: یکم جون ۱۹۷۵ بمقام ڈیرہ اسماعیل خان، پاکستان

پیشہ: کچھ خاص نہیں

حالاتِ زندگی: زندگی کے ابتدائی سال پشاور اور ڈیرہ میں گزرے،ساتویں جماعت میں کیڈٹ کالج کوہاٹ چل دیا، گومل یونیورسٹی سے زراعت میں بیچلر اور پشاور سے دیہی ترقی میں ماسٹر کیا۔ ساڑہے تین سال خوشحالی بنک اور تقریباً چھ ماہ بنک الفلاح میں گزارنے کے بعد بینکاری کو خیرباد کہا اور ماحول کی عالمی تنظیم آئی یو سی این ( IUCN ) سے منسلک ہو گیا، چھ ہی ماہ گزرے تھے کہ مزید تعلیم کا شوق (یا لالچ) بلجیئم لے آیا اور ایک سال وہاں گزارنے کے بعد اگلا برس ہٹلر کے دیس یعنی جرمنی میں گزرا۔ آخر ترس کھا کر گوروں نے ڈگری تھما دی اور یوں ستمبر 2007 میں پہنچی وہی پہ ۔۔۔۔( ویسے کچھ نامعقول و ناہنجار اس صورتحال کو “جتھے دی کھوتی۔۔۔۔” جیسے محاورے سے بھی بیان کرتے ہیں)۔ ویسے اول الذکر تو شائد آنجہانی ہو جانے کی صورت میں کہا جاتا ہے!

خیر اب اوائل 2008 میں کینگرو کے دیس یعنی آسٹریلیا کا قصد ہے بہ سلسہ ڈاکٹوریٹ۔ اب آگے کیا ہو گا، اوپر والا جانے۔۔۔

پھر ملتے ہیں، دوسرے بلاگ میں۔۔۔