Faisaliat- فیصلیات

ابنٹو : تیز سے تیز تر

Posted in Computing, urdu by Shah Faisal on اپریل 29, 2009

صاحبو اگر آپ میری طرح بد قسمت ہیں کہ مائکروسوفٹ ونڈوز سے آپکی جان چھڑائے نہیں چھوٹتی تو یقیناً اور بہت سے شکووں کے علاوہ ایک شکوہ آپکو رفتار کا بھی ہو گا۔ اب اگر دہرے پراسیسر اور ایک گیگا ریم کے ساتھ بھی کمپیوٹر مر مر کر چلے تو شکوہ تو جائز ہوا نا؟ ایسے میں اگر تقابل کیا جائے لینکس کے ساتھ تو عموماً لینکس نظام مثلاً ابنٹو یا ڈیبین تیز رفتار ہوتے ہیں۔ اس بات کا یقین مجھے پہلے بھی تھا لیکن ابنٹو کے تازہ نسخے نے اس یقین کو مزید پختہ ہی کیا ہے۔

لیکن اگر آپکو اندازہ نہیں کہ میں کیا کہہ رہا ہوں تو ابنٹو کا نیا نسخہ 9.04 المعروف جانٹی جیکالوپ آزمائیے۔ گھبرائیے نہیں۔ اسمیں گھاٹا کوئی نہیں کہ ونڈوز کے برعکس ایک تو یہ نظام مفت ہے پھر لائیو سی ڈی یا یو ایس بی کی مدد سے اپنے کمپیوٹر میں کسی قسم کی تبدیلی کیے بغیر اس نظام کو آزما سکتے ہیں (ویسے میں نے تو اس مرتبہ تنصیب بھی سی ڈی کی بجائے یو ایس بی سے، بذریعہ یونیٹ بوٹن، کی ہے)۔ ہاں مستقل بنیادوں پر استعمال کیلئے بہتر ہے کہ تنصیب یاانسٹالیشن کر لیں۔ ویسے آپ میری طرح اپنے کمپیوٹر کو دہریہ بھی بنا سکتے ہیں یعنی وہ ونڈوز اور لینکس ابنٹو دونوں نظاموں پر چلے ۔ رہی بات ابنٹو کے حصول کی تو آپ اسے انٹرنیٹ پر سے مفت اتار سکتے ہیں اگر آپ تیز رفتار انٹرنیٹ کے مالک ہیں تو۔ دوسری صورت میں کینانکل کو لکھ بھیجئے، وہ آپکو مفت سی ڈی بھیج دیں گے گرچہ چند ہفتوں کا انتظار کرنا پڑے گا۔

ابنٹو سے اب میرے تعلق کو خاصا عرصہ ہو گیا ہے، ٹھیک سے یاد نہیں لیکن دو برس سے سوا ہونے کو آئے ہیں۔ اسی موضوع پرگزشتہ تحاریر آپ یہاں، یہاں اور یہاں دیکھ سکتے ہیں۔ میرے ابنٹو کے استعمال کی چند ایک وجوہات ہیں، مثلاً:

ابنٹو مفت ہے، لینکس کی تقریباً تمام اقسام مفت ہی ہیں۔ آپ قانونی طور پر انکو انٹرنیٹ سے حاصل کر سکتے ہیں، تقسیم کر سکتے ہیں، بیچ سکتے ہیں۔

ابنٹو کا ہر چھ ماہ بعد بہتر، نیا نسخہ منظر عام پر لایا جاتا ہے۔ اس چھ ماہی نسخے کے علاوہ ہر تین سال بعد ایک طویل مدتی نسخہ لایا جاتا ہے جو ان لوگوں کیلئے ہے جو زیادہ مہم جو فطرت نہیں رکھتے اور تین سال تک کوئی بڑی تبدیلی نہیں چاہتے۔

ابنٹو اور لینکس کی دیگر اقسام پرانے کمپیوٹرپر ونڈوز کی نسبت بہتر رفتار کی حامل ہیں۔ ان اقسام میں سے بھی چند ایک خصوصیت کے ساتھ پرانے کمپیوٹروں کیلئے بنائی جاتی ہیں۔ ایک اچھی مثال ابنٹو کی ایک قسم زبنٹو کی ہے۔

وائرس وغیرہ کا کوئی جھنجٹ نہیں۔

لوگ رضاکارانہ طور پر آپ کی مدد کرتے ہیں، مثلاً اپنے مکی بھائی نے ایک پورا فورم اس مقصد کے لئے ترتیب دے رکھا ہے، لینکس پاکستان والے بھی مدد کرتے ہیں اور ابنٹو کے اپنے فورم تو موجود ہیں ہی۔ لوگ آپکی مدد کرینگے لیکن آپ میں شکر گزاری، صبر، اپنی بات بہتر طریقے سے بیان کرنے کی صلاحیت اور کچھ سیکھنے کی لگن ہونا شرط ہے۔ سیکھ کر اوروں کو سکھانے کی لگن تو سونے پر سہاگہ ہے۔

تقسیم اور تبدیلی کی آزادی کی وجہ سے لینکس کی بیشمار اقسام ہیں۔ خود ابنٹو بھی لینکس کی ہی ایک قسم ہے لیکن اسکی بھی آگے کئی اقسام ہیں۔ اس سب کا فائدہ یہ ہے کہ آپ اپنے مطلب کی چیز ڈھونڈ لیتے ہیں۔ مثلاً اب میں اپنے سفری، بلکہ بستری کمپیوٹر کیلئے ابنٹو کا یہ نسخہ آزمانے کا سوچ رہا ہوں۔

مختصر یہ کہ اس سب میں فائدہ ہی فائدہ ہے نقصان کوئی نہیں۔ آزمائش شرط ہے۔ آپکے تجربات کا انتظار رہیگا۔

Advertisements

18 Responses

Subscribe to comments with RSS.

  1. ابوشامل said, on اپریل 29, 2009 at 1:34 شام

    محترم فیصل صاحب! بہت اچھا کیا جو 9.04 کے اجراء کا احوال بلاگ پر تحریر کر دیا۔ہم خود اوبنٹو کے پرانے صارف ہیں۔ آپ کی یہ تحریر نئے صارفین کو اوبنٹو کے استعمال پر ابھارنے والی ہے ۔
    تحریر میں "دہریے” والی بات خوب کہی آپ نے۔

  2. نعمان said, on اپریل 29, 2009 at 2:00 شام

    میں پہلے ہی دن جانٹی نصب کرچکا ہوں۔ اور اس بار جو انہوں نے بوٹ میں تبدیلیاں کی ہیں وہ تو زبردست ہیں۔ البتہ مجھے نیا نوٹیفیکیشن ڈیمن کچھ پسند نہیں آیا۔ میرے بھائیوں اور بہن نے تو آٹھ اعشاریہ چار کو اپگریڈ کرنے سے صاف انکار کردیا ہے۔

    میں آجکل ایکس ابنٹو اور ابنٹو دونوں استعمال کررہا ہوں۔ آپ کو یہ جان کر خوشی ہوگی کہ آجکل میں اور مکی مل کر ایکس ابنٹو کو اردو میں ڈھالنے کی کوشش کررہے ہیں۔

    • Shah Faisal said, on اپریل 29, 2009 at 11:28 شام

      شکریہ ابو شامل اور مکی بھائی
      شکریہ نعمان، میں نے بھی اسکے بوٹ اپ سے متاثر ہو کر ہی یہ تحریر لکھی ہے۔
      ابنٹو کو اردوانے کی خبر تو آپ نے بہت اچھی سنائی ہے۔ کاش میں آپکے ساتھ شامل ہو سکتا لیکن وقت کی تتنگی کوئی کام کا کام ہی نہیں کرنے دیتی۔ ویسے مکمل نظام کی جگہ اگر اپلیکیشنز مثلاً اوپن افس وغیرہ اردوائے جائیں تو شائد کام کچھ آسان ہو جائے۔ بہرحال میری نیک تمنائیں آپکے ساتھ ہیں۔

  3. مکی said, on اپریل 29, 2009 at 10:47 شام

    بہترین تحریر ہے اور نو آموزوں کے لیے انتہائی کارآمد ہے..

  4. راشد کامران said, on مئی 1, 2009 at 3:08 صبح

    نا معلوم وجوہات کی بنا پر ورچوئل باکس میں اپ ڈیٹ‌ کرنے کے بعد اس نے چلنے سے صاف انکار کردیا۔۔ لیکن میں نے آپ کا یو ایس بی والا طریقہ آزمایا ہے اور بہترین پایا۔۔ فیڈورا کا نیا ورژن بھی بس آیا ہی چاہتا ہے پھر ہم بھی اپگریڈ‌ہوجائیں گے۔۔

  5. غفران said, on مئی 2, 2009 at 11:29 صبح

    جناب، آپ کے ڈاک پڑھ کے ڈاونلوڈ تو کر لیا ھے مگر آگے پھس گیا ہوں۔ مدد درکار ہے۔

    یہ انسٹال کیسے ہوتا ہے۔؟ اوبنیتو کا جو لنک آپ نے دیا ہے، اس سے ڈاونلوڈ کر کے سیٹ اپ بھی چلا لیا’ مگر اس کے بعد ری بوٹ کیا تو ڈوس کھل جاتاہے/ اس سے آگے کیآ کرناھی/؟

    • Shah Faisal said, on مئی 2, 2009 at 10:39 شام

      غفران بھیا
      گیمز اسپر وهی چلیں گی جو لینکس کیلءے لکھی گءی هوں مثلا یه دیکھءے
      http://www.linuxgames.com/
      اسکے علاوه ونڈوز گیمز آپ بذریعه واءن چلا سکتے هیں لیکن میرا نهیں خیال که یه بهت اچھا خیال هے۔
      آپ انسٹالیشن کے بعد کهاں تک پهنچے هیں؟ کیا گرب انسٹال هو گیا هے؟ کیا آپ اسے لاءیو سی ڈی سے چلا پا رهے هیں؟ اگر سکرین شاٹ بھیج سکهیں تو زیاده آسانی وه گی لیکن یه ممکن نهیں تو زبانی کچھ تفصیل بتاءیے که مسءلے کی نوعیت کا اندازهو سکے۔ شکریه

  6. غفران said, on مئی 2, 2009 at 11:42 صبح

    اور اس پر گیمز چلتی ہیں کیا ؟

  7. غفران said, on مئی 3, 2009 at 1:00 صبح

    ڈاونلود کر کے پھر انسٹال کیا تو انسٹال ہو گیا پحر ری بوٹ کا میسج آیا۔ ری بوت کر کے اوبنتو کھولا تو ڈوس کھل گیا۔

    اب یو اس بی مین ڈال کر انسٹال کرنے لگا ہوں تاکی ریبعٹ کرنے کے بعد بھی معجعد رہء۔/

  8. شازل said, on مئی 12, 2009 at 4:21 شام

    میں نے بھی یو اسی بی ہی میں ڈال کر ٹیسٹ کیا ہے
    اگرچہ ٹائم تو کافی لگا لیکن کام بن گیا

  9. DuFFeR said, on مئی 13, 2009 at 5:41 صبح

    HELP – HELP – HELP
    ==================
    I have installed ubuntu and installed fonts. But not getting all fonts working. Alvi Nastaliq is working and Jameel Nastaliq but not kasheedah and nafees and nasakh asia type and ….
    m depressed 😦
    any clue?
    cant type urdu as well
    ab yeh kuleedi takhtay ka kia karoon?

    • Shah Faisal said, on مئی 13, 2009 at 2:59 شام

      Dear Duffer
      You should make a hidden folder (.fonts) in your home folder and copy all the font files that you want to use, there. Reboot or logoff if necessary.
      About the urdu keyboard, it should work by default. Just add the keyboard applet in one of the bars and from there, you can select Pakistan and Urdu as keyboard.
      Let me know if the issue is still there.
      Regards

  10. Hyderabadi said, on جولائی 7, 2009 at 10:10 شام

    السلام علیکم جناب
    ابھی ہم نے لینکس کو چلانے کی ہمت نہیں کی
    کیا دہرا آپریٹنگ سسٹم رکھ سکتے ہیں؟ یعنی ونڈوز اور لینکس دونوں ایک کمپیوٹر میں؟

  11. عبد اللہ said, on اگست 16, 2009 at 5:04 شام

    نعمان صاحب اللہ آپ کو اس کجر عظیم دے بڑا اچّھا کام شروع کیا ہے آپنے ایکس اوبنٹو سست رفتار اور بوڑھے کمپیوٹروں کے لئے اکسیر حیات ہے اللہ جزائے خیر دے آپکو ترجمہ جلد سے جلد پورا کرکے مطلع فرمائیں ہو سکے تو ڈاک کے ذریعہ سی ڈی چاہنے والوں کے لئے تھوڑی بہت رقم لیکر اردو ترجمہ والے ایکس اوبنٹو کی سی ڈی کی شپنگ شروع فرمالیں یقیناً ایسا کرنے سے پاکستان اور ہندوستان جیسے ملکوں کے لوگ آپسے کافی فیضیاب ہونگے اور یقیناً یہ صدقہء جاریہ ہوگا

    • Shah Faisal said, on اگست 16, 2009 at 5:21 شام

      عبداللہ بھائی
      اگر آپ نعمان صاحب سے براہ راست رابطہ کر لیں تو زیادہ بہتر ہو گا کہ مجھے نہیں معلوم کہ وہ یہاں آنے والے تبصرے پڑھ رہے ہیں یا نہیں۔
      یہ اپنے نعمان یعقوب صاحب ہی ہیں۔

    • مکی said, on اگست 16, 2009 at 6:03 شام

      خاک ہوجائیں گے ہم تم کو خبر ہونے تک..!!

  12. […] جبکہ میری لینکس سے متعلق کچھ پچھلی تحاریر آپ یہاں اور یہاں پڑھ سکتے ہیں، گویا آپ پڑھ ہی تو لیں […]


جواب دیں

Fill in your details below or click an icon to log in:

WordPress.com Logo

آپ اپنے WordPress.com اکاؤنٹ کے ذریعے تبصرہ کر رہے ہیں۔ لاگ آؤٹ / تبدیل کریں )

Twitter picture

آپ اپنے Twitter اکاؤنٹ کے ذریعے تبصرہ کر رہے ہیں۔ لاگ آؤٹ / تبدیل کریں )

Facebook photo

آپ اپنے Facebook اکاؤنٹ کے ذریعے تبصرہ کر رہے ہیں۔ لاگ آؤٹ / تبدیل کریں )

Google+ photo

آپ اپنے Google+ اکاؤنٹ کے ذریعے تبصرہ کر رہے ہیں۔ لاگ آؤٹ / تبدیل کریں )

Connecting to %s

%d bloggers like this: